القصص والشعر

قصص اطفال قبل النوم مكتوبة بالعامية

قصص اطفال قبل النوم

جميع الأمهات تقوم بحكي القصص على الأبناء الصغار ويحكوا لهم قصص اطفال قبل النوم فهي عادة تحبها الأمهات ويحبها الأطفال فهم يحبون هذه القصص القصيرة قبل النوم فهي تسعدهم.

قصص اطفال قبل النوم

الكثير من الآباء والأمهات يقومون يحكي القصص لأبنائهم قبل النوم لكي يستطيعوا النوم بهدوء.

كما أن تلك القصص تسعد الأطفال ويحبونها وتكون لها تأثير إيجابي كبير وذلك لأن هذه القصص القصيرة يكون لها درس هادف في النهاية فيتعلمون الأطفال هذا الدرس.

قصة العجوز والدلو الأحمر

في يوم من الأيام كان في عجوز كبيرة في السن عايشه لوحدها كانت كل يوم الصبح تصحي من النوم تروح السوق تشتري حاجاتها وبعدين ترجع تأخذ الدلو الأحمر وتروح البئر عشان تمليه ميه وفي يوم سمعت صوت الدلو بيعيط فسألته بتعيط ليه؟ قالها انتي عارفة أنا مكسور ليه بتاخديني كل يوم الصبح وتملي ميه اشتري دلو تاني جديد أو استغنى عني قالت له أنا أول يوم شفتك فيه عرفت أن أنت مكسور عشان كده اشتريت بذور النباتات وقررت أن أنا ازرعها على الطريق وأنت كنت المساعد بتاعي بمليك ميه واسقي البذور ودلوقتي البذور كبرت وبقت نباتات لونها أحمر وأصغر والباقي بأخذ البيت وبستخدمه فضحك الدلو وقال لها شكرا لك يا جدتي أنا احبك، قالت له وأنا أحبك أيضًا.

الدرس المستفاد من هذه القصة

يجب أن نحب من حولنا وأن نتقبل عيوبهم قبل مميزاتهم، فلا يوجد أحد كامل الصفات أو خالي من العيوب.

قصص أخرى للأطفال قبل النوم

من خلال موقع مختلفون نوضح مجموعة من قصص اطفال قبل النوم ليست مجرد قصة عادية ولكن بكل قصة درس يجب على الأطفال تعلمه.

قصة الحصان المصاب وسباق الخيل

في يوم من الأيام كان في غابة كبيرة ويعيش فيها أحصنة كتير وكل سنة الأحصنة تتسابق مع بعضها في سباق وكان في حصان مصاب أسمه عدنان وقال للأحصنة أنه سيشارك في السباق فضحكوا عليه و استهزئوا به وهو فضل حزين وزعلان ومشي لوحده في الغابة مضايق بس قرر أنه سيشارك في السباق حتى وهو رجل مصابه ويوم السباق كل الأحصنة وقفت عند خط البداية وكلهم بصوت عدنان المصاب وسخروا منه ولما الحكم ضرب بالمسدس نار في الهوا كلهم اتحركوا وبدئوا السباق وفى منتصف الطريق وقفوا يرتاحوا من الجري لأنهم مطمئنين أن عدنان مش هيكسب لأنه مصاب بس هو فضل يجري وموقفش في منتصف الطريق وكان كل هدفه قدام عينيه أنه يكسب لحد ما وصل لخط النهاية قبل كل الأحصنة وفاز بالسباق والحكم كرمه وكافأه وطلب منه يقول كلمة شكر فقال إنه بيشكر كل الأحصنة اللي استهزئوا بيه لان دا اللي ساعده أنه يكسب فالأحصنة زعلت من نفسها لأنهم سخروا من صاحبهم واعتذروا له وقبول اعتذارهم وعاشوا في سعادة مع بعض.

الدرس المستفاد من القصة

لا يجب الاستهزاء بالضعيف ونحترم الجميع، وأن بالصبر والإرادة يحقق كل شخص ما يريد.

إقرأ أيضًا: افضل ادعيه صباحيه للواتس اب 2021

القنفذ والحيوانات الصغيرة

في يوم من الأيام كان في قنفد في الغابة يعيش مع الحيوانات واسمه قنفود كان ظهره كله شوك وكان يحب أصحابه الحيوانات وبيلعب معاهم بس كان لما بيلعب يؤذي أصحابه بالشوك غصب عنه، فكان مرة يلعب مع الأرنب بالكره وبالشوك بتاعه فرقعها، ومرة تانية كان بيلعب مع السلحفاة ويمسك يديها قام جرح إيديه فزعل على أصحابة فقرر أنه يفضل في البيت وميخرجش منه عشان متأذيش أصحابه وبعد كام يوم أصحابه قلقوا عليه لأنهم مش بيشوفوا وقرروا يزوروه ولما راحوا فرح أنه شافهم وسألوه مش بتلعب ليه قالهم أنه خايف عليهم ومشيوا وبعدين فكروا أنهم رأوا يعملوا ليه هديه تفرحه وراحوا للقنفذ وأخذ الهدية وفتحها لقي فيها قطع إسفنج صغيرة فاستغرب وأصحابه أخذوا القطع دي وحطوها على جسمه عشان الشوك متأذيش حد وحضنوا وفرحوا كلهم وعاشوا في سعادة.

الدرس المستفاد من القصة

 الخوف على الأصدقاء، وحب الأصدقاء لأن الصداقة لا تقدر بثمن، المحافظة على مشاعر الأصدقاء وإدخال الفرح على قلوبهم.

الثعلب الماكر

في يوم من الأيام كان الأسد ملك الغابة بياكل كل الحيوانات ويموتهم لكن الحيوانات قرروا أنهم لازم يتخلصوا منه ويحطوه في قفص وعملوا خطه مع بعضهم وحطوا الأسد في القفص وقفلوا عليه بالقفل وعاشوا في سعادة.

وفي يوم من الايام كان الارنب ماشي من جنب الأسد فقال له أيها الأرنب أفتح لي القفص فقال الأرنب لا أنت تأكل الحيوانات و تموتنا، قال الأسد اوعدك مش هعمل كده تاني بالأرنب الصغير صدقه وفتح له القفص ولما خرج الأسد من القفص مسك الأرنب وقال له أنت أول فريسة لي وهالك والأرنب قاعد يعمل صوت ويقول ساعدوني ساعدوني وسمعه الثعلب وراح للأسد وقال له أنا سمعت أن أنت كنت محبوس في القفص ، الأسد رد عليه وقال له أه وخرجت من القفص،  الثعلب قال له ازاي وأنت أسد كبير دخلت في القفص الصغير أنا مش مصدقك الأسد قال له لا أنا هوريكم أزاي كنت في القفص والأسد ساب الأرنب على الأرض ودخل القفص والثعلب بسرعه قفل القفص بالقفل وحبس الأسد تاني وقال للأرنب أوعى تصدق وانقذ الثعلب الأرنب.

الدرس المستفاد من القصة

عدم الكذب مثل الأسد، مساعدة الآخرين كما ساعد الثعلب الأرنب، تعلم الذكاء مثل الثعلب.

قصة سامر والشوكولاتة

كان في ولد اسمه سامر كان مش بيسمع كلام ماما ولا المعلمة وكان بيلعب على طول وبيحب يأكل الشوكولاتة ومش بيغسل سنانه وفي يوم دخل المطبخ وفتح الثلاجة وأكل كل قطع الشوكولاتة اللي في الثلاجة وبعدين لما راحت ماما سامر تفتح الثلاجة وتشوف الشوكولاتة مش لقيتها موجودة فسألت سامر فين الشوكولاتة يا سامر قال لها مش عارف يا ماما أختي أخذتهم وبعدين دخل الأوضة بتاعته لأنه أكل شيكولاته كتير بدأت معدته توجعه وفضل ساكت عشان ماما سامر متعرفش أن هو اللي أكل الشوكولاتة وبعد ساعتين فضل يصرخ ويصرخ ودخلت ماما سامر تشوف فيه أيه لقيت سامر بيعيط وبيتألم وراحت للدكتور والدكتور قال سامر أنت أكلت شوكولاتة كثير ومش غسلت أسنانك ظهرت على أسنانك السوسة ودا غلط ، وحس سامر بالذنب وأعتذر لماما وقال لها مش هعمل كده تاني يا ماما وأخد الدواء من الدكتور وبقي يستأذن ماما قبل ما يفتح الشوكولاتة وعاشوا كلهم في سعادة.

الدرس المستفاد من القصة

عدم الكذب على الآخرين، الاستئذان قبل أخذ أي شيء، غسل الأسنان بعد الأكل وقبل النوم، الاستماع لكلام الكبار وعدم مخالفتهم.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق